Gəncədə sənaye ilə bağlı yenilik olacaq. Bu haqda 21 dekabr tarixində Report-a istinadən məlumat veririk.
Bakıda Heydər Əliyevin və Türkiyə Cümhuriyyətinin 100 illiyinə həsr edilmiş Azərbaycan-Türkiyə İnvestisiya Forumu keçirilib. Burada çıxış edən iqtisadiyyat naziri Mikayıl Cabbarov bildirib ki, bu yaxınlarda Gəncədə yeni sənaye zonası açılacaq.
"Biz sənaye zonalarında Ələt Azad İqtisadi Zonasında tətbiq olunan güzəştlərə oxşar vergi, gömrük təşviqlərini tətbiq edirik. Ələt AİZ-dən fərqli olaraq, sənaye zonalarında bu təşviqlərin müddəti var. Bir qayda olaraq, müəssisə işə başladıqdan 10 il müddətində həmin təşviqlər tətbiq edilir. Bu məsələ ilə bağlı infrastruktur da mövcuddur”, - deyə nazir qeyd edib.
