Gəncə Şəhər Prokurorluğunda "Açıq qapı” günü keçirilir. Bu haqda 30 may tarixində Report-a istinadən xəbər veririk.
"Açıq qapı” tədbirində iştirak edənlər Gəncə Şəhər Prokurorluğunun binasında yaradılan şəraitlə də tanış olublar. Prokurorluq əməkdaşları tədbir iştirakçılarının suallarını ətraflı cavablandırıblar və onlara “Elektron prokurorluq” informasiya sistemi əyani olaraq nümayiş olunub.
Tədbir başa çatdıqdan sonra Gəncə şəhər Heydər Əliyev Mərkəzində Gəncə Şəhər Prokurorluğu tərəfindən "Ekoloji hüquqpozmalar: maarifləndirmə və qanunvericiliklə nizamlanma" adlı işgüzar konfrans da keçiriləcək.
Azərbaycan Respublikasının Baş Prokurorluğunun təşəbbüsü ilə keçirilən konfransda 15 regionun prokuroru və hüquq-mühafizə orqanlarının əməkdaşları, digər dövlət qurumlarının, habelə təhsil müəssisələrinin məsul şəxsləri iştirak edəcəklər.
