Rusiyadan olan məşhur bloqer Gəncəyə səfəri zamanı şəhər haqqında təəssüratlarını bölüşüb.
Gencexeber.az məlumat verir ki, "Mij-GUN" ləqəbi ilə tanınan bloqer-səyyah Azərbaycana etdiyi səfər barədə geniş videomaterial hazırlayıb. O, ölkənin müxtəlif bölgələri ilə yanaşı, Azərbaycanın ikinci böyük şəhəri olan Gəncə haqqında da fikirlərini səsləndirib.
Bloqer videoda şəhərin zəngin və çoxəsrlik memarlıq irsinə malik olduğunu vurğulasa da, burada güclü əyalət ab-havası hiss etdiyini bildirib. Onun sözlərinə görə, Gəncədə gəzərkən Bakıdan sonra ölkənin ikinci böyük şəhərində olduğunu hiss etmək çətindir.
"Mij-GUN" videomaterialında Gəncənin tarixi küçələrini, qədim yaşayış məhəllələrini, şəhər həyatını və ümumi atmosferi qiymətləndirərək həm müsbət təəssüratlarını, həm də müşahidə etdiyi çatışmazlıqları qeyd edib.
Ətraflı videomaterialda
