Gəncədə üçgünlük konfrans yekunlaşıb. Bu haqda 28 iyul tarixində İcra Hakimiyyətinə istinadən məlumat veririk.
“Müasir çağırışlar və qarşıda duran əsas hədəflər” mövzusunda keçirilən konfransın son yığıncağı baş tutub. Burada ictimaiyyət nümayəndələri, din xadimləri və ziyalılar iştirak ediblər. İcra başçısının müavini Adil Tağıyev şəhərdə dini durumun sabit olduğunu bildirib. O, şəhərdə bütün dinlərin və məzhəblərin nümayəndələrinin sülh, qardaşlıq şəraitində yaşadığını vurğulayıb.
Daha sonra Dini Qurumlarla İş üzrə Dövlət Komitəsi (DQİDK) sədrinin birinci müavini Səyyad Salahlı, Milli Məclisin deputatı Müşfiq Cəfərov, şəhər Ağsaqqallar Şurasının sədri Nurəddin Məmmədov, Qafqaz Müsəlmanları İdarəsinin bölgə qazısı Tahir Abbasov milli-mənəvi dəyərlərimizin qorunması və gələcək nəsillərə çatdırılmasının vacib olduğunu qeyd ediblər.
Üçgünlük konfrans müzakirələrlə yekunlaşıb.
