Azərbaycanın Tehrandakı səfirliyində hücum zamanı həlak olan şəxsin ailəsi ilə görüş olub. Bu haqda 24 fevral tarixində Qafqazinfo-ya istinadən məlumat veririk.
27 yanvar səhər saatlarında İranda səfirliyimizə silahlı hücum baş vermişdi. Bu zaman mühafizə xidmətinin rəisi, əslən gəncəli baş leytenant Orxan Əsgərov güllələnərək şəhid olmuşdu. “PAŞA Holdinq” şəhidimizin ailəsinə 50.000 manat yardım edib.
“Hadisə zamanı həlak olan Orxan bəyə Allahdan rəhmət, ailəsinə səbir diləyirəm”, - deyə “PAŞA Holdinq”in baş icraçı direktoru Cəlal Qasımov bildirib.
Bundan başqa, həmin hadisə zamanı yaralanan Mahir İmanova da 50.000 manat yardım, Vasif Tağıyevə isə mebel ilə təchiz edilmiş yeni tikilidə mənzil təqdim edilib.
