Gəncədə evlərin bərpası üçün vəsait ayrılıb. Bu haqda 20 iyul tarixində GəncəPost-a istinadən məlumat veririk.
Söhbət Vətən müharibəsi vaxtı erməni silahlı qüvvələrinin raket atəşinə tutduğu Gəncə şəhəri, Füzuli, Tərtər, Ağcabədi, Goranboy və Beyləqan rayonlarındakı fərdi yaşayış evləri və qeyri-yaşayış obyektlərindən gedir. Tikinti, təmir və bərpa işləri üçün Dövlət Şəhərsalma və Arxitektura Komitəsi tabeliyində Ərazi Tikinti-Planlaşdırma Mərkəzi 6,3 milyon manat yönəldəcək.
Belə ki, işlərin aparılması üçün “AZ Graft Construction” MMC ilə 2 milyon, “Parlaq-N” MMC ilə isə 4,3 milyonluq müqavilələr imzalanıb.
Bildirilir ki, anlaşma çərçivəsində işlərin yerinə yetirilmə müddəti 30 dekabr 2023-cü ilə qədərdir.
