Gəncədə qurbanlıq heyvanların kəsimi və satışı məntəqələrində dezinfeksiya işləri aparılıb. Bu haqda 17 iyun tarixində Kəpəz televiziyasına istinadən xəbər veririk.
Bayram günlərində müəyyən norma və qaydalara əməl etməklə qurbanlıq heyvanların kəsimi və satışı müvafiq ərazilərdə yerinə yetirilir. Təyin olunan məkanlarda avadanlıqlar və qəssabların sayı artırılıb, cari təmir işləri görülüb. Həmin yerlərdə AQTA tərəfindən profilaktik qabaqlayıcı tədbirlər yerinə yetirilərək dezinfeksiya işləri aparılıb.
Kəsim məntəqələrimizdə adi günlərdə qəssablar 4-5 nəfər olurdusa, indi 10-12 nəfər qəssab dəvət olunub ki, sakinlərimizi rahat şəkildə yola salsınlar”, - deyə məntəqənin nümayəndələri qeyd ediblər. Məntəqənin nümayəndəsinin sözlərinə görə, siyahısı açıqlanan yerlərdən kənarda qanunsuz kəsim halları müşahidə edildikdə sərt tədbirlər görüləcək.
Vətəndaşlar bayram günləri təyin olunan bütün məkanlarda səhər saat 8-dən axşam 20-dək heyvanları sata, ala və ya kəsdirə biləcəklər.
