Gəncənin “Sovxoz Nizami” adlanan ərazisində işıqlandırma ilə bağlı problem illərdir həll edilmir.
Gencexeber.az məlumat verir ki, sözügedən hal şəhərin 5-ci mikrorayonunda yerləşən 13-cü binanın qarşısında yaşanır. Sakinlərin sözlərinə görə, beşmərtəbəli tikilinin qarşısında işıq dirəkləri mövcud deyil.
“Ərazi qaranlıqda qalıb. Axşamlar buradan keçmək qorxulu olur” - şikayətçi bildirib.
Qeyd edək ki, binanın ətrafında yerləşən digər ərazilərin işıqlandırması lazımi qaydada həyata keçirilir.
