Azərbaycan Respublikasının Qida Təhlükəsizliyi Agentliyi (AQTA) bir sıra qablaşdırılmış içməli sularla bağlı nöqsanlar aşkar edib. Bu haqda 12 iyul tarixində agentliyə istinadən məlumat veririk.
Monitorinqlər zamanı aşağıdakı uyğunsuzluqlar üzə çıxıb:
- "Gülazar" və "Murovdağ" - Suyun mənbəyi "Göygöl-Gəncə magistral su kəməri" olduğu halda, üzərində dağ şəkli göstərilərək dağ suyu təəssüratı yaradılıb və suyun mənbəyi qeyd edilməyib;
- "Zəhra" - Suyun mənbəyi "Göygöl-Gəncə magistral su kəməri" olduğu halda, üzərində "bulaq suyu" ifadəsi qeyd olunub.
Nöqsanlardan biri aradan qaldırılıb, suyun mənbəyi qeyd edilib və yeni qablaşdırmada dağ şəkli çıxarılıb. Digər ikisi ilə bağlı müvafiq tədbirlər davam edir.
