Gəncədə sosial müəssisələrin birində nöqsanlar aşkarlanıb. Bu haqda 1 mart tarixində Report-a istinadən məlumat veririk.
Azərbaycanın İnsan hüquqları üzrə müvəkkili (ombudsman) 2023-cü il üzrə məruzə hazırlayıb. Sosial Xidmətlər Agentliyinin Ahıl şəxslər üçün sosial xidmət müəssisəsinə əvvəlcədən xəbərdarlıq etmədən keçirilən monitorinq zamanı ahıllar üçün yaradılmış şəraitin əlverişliliyi, qidalanma, sosial-məişət və tibbi xidmətlərə çıxış imkanları, habelə asudə vaxtlarının səmərəli təşkili məsələləri araşdırılıb, yaşayış yerlərinə baxış keçirilib.
Nəticədə şəhərimizdə yerləşən 4 saylı Psixonevroloji Sosial Xidmət Müəssisəsində ümumilikdə qeydə alınan 103 nəfər sakinin 6 nəfərinin ahıl şəxs olduğu müəyyən olunub. Həmçinin bir sıra çatışmazlıqlar da aşkar edilib. Müəssisənin profilinə uyğun olaraq, sakinlərə keyfiyyətli sosial və tibbi xidmətlərin göstərilməsi üçün zəruri olan bir neçə vəzifənin vakant olması nəzərə alınaraq, məsələnin həlli ilə bağlı müvafiq nazirlik qarşısında məsələ qaldırılıb.
