Gəncədə bayram gecəsi pirotexniki vasitələrlə xuliqanlıq edən şəxslər saxlanılıblar. Bu haqda 5 yanvar tarixində Apa-ya istinadən məlumat veririk.
Dekabr ayının 31-də İcra Hakimiyyətinin qarşısındakı meydanda Dünya Azərbaycanlılarının Həmrəyliyi Günü və Yeni il münasibətilə təşkil olunan tədbirdə qanunla satışı və istifadəsi qadağan olunan pirotexniki vasitələrdən istifadə edərək xuliqanlıq edən şəxslərin videogörüntüləri yayılmışdır. Məsələ ilə bağlı Baş Polis İdarəsinin əməkdaşları əməliyyat keçiriblər.
Nəticədə şəhər sakinləri - 24 yaşlı Hüseyn Rəhimov və 19 yaşlı Azər Abdıyev saxlanılıblar. Onlar barəsində protokol tərtib olunaraq məhkəməyə göndərilib.
Məhkəmənin qərarı ilə həmin şəxslər inzibati qaydada 10 sutka müddətinə həbs olunublar.
