Gəncə idmançıları beynəlxalq yarışda uğur qazanıblar. Bu haqda 15 iyul tarixində Kəpəz televiziyasına istinadən məlumat veririk.
Parataekvondoçular İmaməddin Xəlilov və Orxan Cəfərov iki fərqli turnirdən doğma şəhərə medallarla dönüblər. Onlar Fransanın Montarqis şəhərində keçirilən yarışlarda iştirak ediblər. İmaməddin Xəlilov 70 kiloqram çəkidə Avropa çempionatında mübarizə aparıb. O, finalda zədələndiyi üçün rəqibinə məğlub olub. İdmançımız gümüş medala layiq görülüb.
Digər təmsilçimiz olan Orxan Cəfərov isə eyni məkanda təşkil edilən Həmrəylik oyunlarında döyüşüb. Parataekvondoçumuz ilk dəfə iştirak etdiyi beynəlxalq yarışda bürünc mükafata yiyələnib.
Hər iki idmançı gələn ay Niderlandın Rotterdam şəhərində paralimpiya üzrə Avropa Oyunlarında iştirak edəcək.
