Azərbaycan futbol çempionatının II Liqasında “Şəmkir”i qəbul edən Quba komandası doğma publikanı məyus elədi.
Sportinfo.аz xəbər verir ki, ev sahibləri 90 dəqiqəni 1:2 hesablı məğlubiyyətlə başa vurub. Klub rəhbərliyi azarkeşlərin “kefinə soğan doğrayan” futbolçuları cəzalandırıb.
Bildirilib ki, martın 1-də, yəni, Ramazan ayının ilk günü meydana çıxanların hamısı cəriməyə məruz qalıb. Oyunçuların bir qismi orucunu pozmadan yaşıl sahəyə ayaq basdıqları üçün qəzəbə tuş gəliblər.
Məlum olub ki, idarə heyəti Ramazan vaxtı keçirilən oyun günlərində oruc tutmamaları üçün kollektiv üzvlərinə öncədən xəbərdarlıq edib. Futbolçular bu qərara etiraz bildirməsələr də, tapşırığa əməl etməyiblər, göstərişi qulaqardına vurublar.
