Gəncədə yanğın hadisəsi baş verib. Bu haqda 16 fevral tarixində Fövqəladə Hallar Nazirliyinə istinadən xəbər veririk.
Ümumi sahəsi 300 kvadratmetr olan tövlənin dam örtüyünün yanar konstruksiyaları alışıb. Nəticədə dama yığılan 2 ton ot bağlaması yanıb.
Əraziyə yanğından mühafizə bölmələrinin əməkdaşları cəlb olunublar. Tövlənin içərisində olan 10 baş iribuynuzlu heyvan təhlükəsiz əraziyə köçürülüb. Yaxınlıqdakı tikililər mühafizə olunmaqla yanğın söndürülüb.
