Gəncədə oğurluq etməkdə şübhəli bilinən və narkotiklərin dövriyyəsi ilə məşğul olan şəxslər tutulublar. Bu haqda 20 may tarixində Daxili İşlər Nazirliyinə istinadən xəbər veririk.
Baş Polis İdarəsinin 2-ci Polis Şöbəsinin əməkdaşlarının keçirdikləri tədbirlər nəticəsində mənzildən oğurluq edən şəxslər saxlanılıblar. Şəhər sakininə məxsus evdən oğurluq edən şəxslər Sədrəddin Musayev və Eltəkin Hüseynov olublar. Onlar mənzildən ümumilikdə 10 800 manatlıq maddi vəsait və qızıl-zinət əşyaları oğurlayıblar.
Həmçinin polis əməkdaşları son 30 gündə narkotiklərin qanunsuz dövriyyəsi ilə məşğul olan 45 nəfəri saxlayıblar. Onlardan müxtəlif növ narkotik vasitə və psixotrop maddələr aşkarlanıb.
Faktla bağlı araşdırmalar davam etdirilir.
[modula id="59821"]
