Gəncədə erməni terroru zamanı dağılmış obyektlərin bərpası üçün vəsait ayrılıb. Bu haqda 13 yanvar tarixində Gancapost-a istinadən məlumat veririk.
Dövlət Şəhərsalma və Arxitektura Komitəsi yanında Ərazi Tikinti və Planlaşdırma Mərkəzi (ƏTPM) 44 günlük Vətən müharibəsi dövründə Gəncə şəhərində dağıdılmış, qəzalı vəziyyətə düşmüş evlərin və qeyri-yaşayış obyektlərinin təmiri və bərpası işlərinə vəsait yönəldəcək.
Bildirilir ki, “İnşaat Servis-2” MMC ilə Gəncə şəhərində təmir və bərpa işlərinin həyata keçirilməsi haqqında müqavilə bağlanıb. Şirkətə 1 milyon 678 min 604 manat ödəniləcək.
Bundan başqa, "CONCO QSC" şirkəti ilə dağıdılmış, qəzalı vəziyyətə düşmüş, təmir-bərpaya ehtiyacı olan fərdi yaşayış evləri və qeyri-yaşayış obyektlərinin tikintisi, təmiri və bərpa işlərinin həyata keçirilməsi ilə bağlı 800 min manat məbləğində müqavilə imzalanıb.
