İntihara cəhd edən sabiq direktor nazirliyi məhkəməyə verib. Bu haqda 10 dekabr tarixində Qaynarinfo-ya istinadən məlumat veririk.
1 nömrəli tam orta məktəbin keçmiş direktoru Mətanət Qarayeva məhkəməyə müraciət edib. O, Elm və Təhsil Nazirliyindən işinə bərpa olunmasını və əmək haqqının ödənilməsini tələb edir. İşə Bakı şəhəri, Nərimanov rayon Məhkəməsinin hakimi Aytən Novruzovanın sədrliyi ilə baxılacaq.
Xatırladaq ki, iyun ayında Mətanət Qarayeva Gəncə şəhər Təhsil İdarəsinin müdiri Anar Qədiməliyevlə aralarında yaranan mübahisədən sonra çoxlu sayda dərman içərək intihara cəhd edib. 20 oktyabr tarixində direktor vəzifəsindən azad olunub. Buna səbəb Qarayevanın müəssisəyə rəhbərlik və nəzarətdə ciddi nöqsanlara yol verməsi, vəzifə səlahiyyətlərindən sui-istifadə etməsi, əmək müqaviləsi üzrə öhdəlikləri və vəzifə funksiyalarını yerinə yetirməməsi olub.
