Gəncə Şəhər İcra Hakimiyyətinin başçısı Meksika Birləşmiş Ştatlarının Azərbaycan Respublikasındakı fövqəladə və səlahiyyətli səfiri xanım Mariya Viktoriya Romero Kabalyero ilə görüş keçirib. Bu haqda 29 aprel tarixində İcra Hakimiyyətinə istinadən xəbər veririk.
Görüşdə rəsmi qonağa şəhərimizin tarixindən söz açılıb, mədəni, sənaye və iqtisadi potensialından məlumat verilib. Daha sonra ikitərəfli əməkdaşlığın genişləndirilməsi imkanları ətrafında müzakirələr aparılıb. Həmçinin Niyazi Bayramov şəhərimizdə “Gəncə Avtomobil Zavodu” İstehsalat Birliyinin, “Azəralüminium” ASC, “Gəncə Şərab - 2” və digər iri sənaye müəssisələrinin fəaliyyət göstərdiyini də vurğulayıb.
Xanım səfir bildirib ki, səfər çərçivəsində “Azəralüminium” ASC-ni, Gəncə Dövlət Dram Teatrını və Gəncə Dövlət Filarmoniyasını ziyarət edəcək. “Urban” Mərkəzində isə “Gəncə Meksikanı kəşf edir!” adlı foto və rəsm sərgisinin təşkil olunacağı diqqətə çatdırılıb.
