Gəncə Şəhər İcra Hakimiyyətinin başçısı Niyazi Bayramov, YAP Gəncə şəhər təşkilatının sədri Bayram Aslanov və Gəncə Şəhər İcra Hakimiyyəti başçısı Aparatının məsul əməkdaşları Cavadxan küçəsinə baxış keçiriblər.
Gencexeber.az bildirir ki, bu barədə icra hakimiyyəti məlumat yayıb.
Baxış zamanı şəhər rəhbəri qanunsuz küçə ticarəti ilə məşğul olan bir sıra şəxslərlə görüşüb. Niyazi Bayramov həmin şəxslərlə maarifləndirici söhbətlər aparıb, yalnız müəyyən olunan yerlərdə ticarətlə məşğul olmalarını onların nəzərinə çatdırıb. Şəhər rəhbəri onu da qeyd edib ki, yol kənarında satılan mənşəyi məlum olmayan ərzaq məhsulları antisanitar vəziyyət yaradır, şəhərin ümumi görünüşünə də xələl gətirir.
Daha sonra tapşırıq və tövsiyələrə əsasən, həmin ərazidə olan qanunsuz köşklərin yığışdırılması təmin olunub.
