Daha bir nazir Gəncə sakinləri ilə görüşəcək. Bu haqda 4 aprel tarixində Rəqəmsal İnkişaf və Nəqliyyat Nazirliyinə istinadən məlumat veririk.
Rəqəmsal inkişaf və nəqliyyat naziri Rəşad Nəbiyev 10 aprel tarixində saat 10:00-da Naftalan şəhərinə səfər edəcək. Nazir Heydər Əliyev Mərkəzində Gəncə ilə yanaşı, Goranboy, Xocalı, Göygöl, Samux, Yevlax rayon, Mingəçevir və Naftalan şəhər sakinlərini də qəbul edəcək.
Görüşdə iştirak etmək istəyən vətəndaşlar 8 aprelədək Rəqəmsal İnkişaf və Nəqliyyat Nazirliyinin Çağrı Mərkəzi (1655) və elektron poçtu (office@mincom.gov.az), 010 250 48 48 və 012 598 58 58 (daxili 222 və 290) nömrəli telefonlar vasitəsilə müraciət edərək qəbula yazıla bilərlər.
