Gəncədə intihar hadisəsi baş verib. Bu haqda 14 iyul tarixində Oxu.az-a istinadən məlumat veririk.
Hadisə “N” saylı hərbi hissədə qeydə alınıb. 19 yaşlı Nurəddin Sahib oğlu Hüseynov hərbi hissənin yataqxanasında özünü asaraq intihar edib. Əsgərin intiharının səbəbləri haqqında hələlik məlumat yoxdur.
Hərbi Prokurorluqdan bildirilib ki, Gəncə Hərbi Prokurorluğunun və Hərbi Prokurorluğun Kriminalistika və İnformasiya Texnologiyaları idarəsinin əməkdaşları tərəfindən hadisə yerinə və meyitə baxış keçirilib, iş üçün əhəmiyyət kəsb edən əşyalar maddi sübut kimi götürülüb və digər tədbirlər icra olunub. Cinayət işi başlanılaraq şahidlər dindirilib, müvafiq ekspertizalar təyin edilib və təxirəsalınmaz zəruri istintaq tədbirləri həyata keçirilib.
Hazırda istintaq davam etdirilir.
