Gəncədə idman turniri keçirilib. Bu haqda 11 iyul tarixində Kəpəz televiziyasına istinadən məlumat veririk.
Qəfəs döyüşləri MMA üzrə elit kombat liqasında təşkil olunub. Görüşlərdə Gəncə ilə yanaşı, Samux, Göygöl, Gədəbəy, Ağcabədi və Bərdə idmançıları qalib olmağa çalışıblar. 30 çəkidə 30 döyüşün reallaşdığı yarışda uşaq, yeniyetmə və gənclər qüvvələrini sınayıblar.
Qalib və mükafatçılar medal və diplomla təltif ediliblər. Bildirilib ki, Pankration, Qrapplinq və MMA Federasiyasının qərb bölgəsi üzrə nümayəndəliyi bu formatda yarışları gələcəkdə daha kütləvi halda və açıq hava şəraitində keçirməyi planlayır.
