Gəncə şəhər Mənzil Kommunal Təsərrüfatı İstehsalat Birliyinin (MKTİB) Yaşıllaşdırma şöbəsi tərəfindən şəhərin park və xiyabanlarına, yol kənarlarına mövsümü güllər əkilib.
Gencexeber.az bildirir ki, yaşıllaşdırma aksiyasının ünvanı Gəncə Qala Qapıları-Arxeologiya və Etnoqrafiya Muzeyi Abidə Kompleksinin ərazisi və "Cücələrim" əyləncə məkanı olub. Adıçəkilən ərazilərdə yaşıllıq zolaqları və gül tumbaları MKTİB-nin gülçülük və tingçilik təsərrüfatında yerli mütəxəssislər tərəfindən yetişdirilən güllərlə bəzədilib.
Dünya şöhrətli bəstəkar Qəmbər Hüseynlinin abidəsinin ətrafına da güllər əkilib, mövcud və yeni yaşıllıqlara aqrotexniki qulluq göstərilib. Gül əkini ilə paralel olaraq, MKTİB-nin Yaşıllaşdırma şöbəsi şəhər ərazisində mövsümü ot biçini işlərini də davam etdirir.
