Mingəçevirdə oğlu tərəfindən öldürülən qadın barədə bəzi detallar üzə çıxıb.
“Gencexeber.az” “Unikal”a istinadən xəbər verir ki, oğlu 21 yaşlı Rəşad Çıraqov tərəfindən qətlə yetirilən Natella Çıraqova Mənzil İstismar Sahəsində süpürgəçi işləyib. Əslən Tərtər rayonundan olan qadın iki uşaq anasıdır. Qızı universitet tələbəsi, onu qətlə yetməkdə şübhəli bilinən oğlu isə işsizdir.
Qonşuların sözlərinə görə, Natella Çıraqova uzun müddətdir ki, əri Xaliddən ayrı yaşayıb. Onların sözlərinə görə, heç vaxt qadının övladları ilə ciddi söz-söhbətlərinin şahidi olmayıblar.
Səhər saat 05 radələrində qışqırıq səslərinə oyanan sakinlər bildiriblər ki, kimsə Rəşad Çıraqovun anasını qətlə yetirməsinə mane ola bilməyib.
