Birinci vitse-prezident Gəncəli çempionla bağlı paylaşım edib. Bu haqda 30 aprel tarixində Mehriban Əliyevanın rəsmi hesabına istinadən məlumat veririk.
Mehriban Əliyeva şahmatçımız Ülviyyə Fətəliyevanı Yunanıstanın Rodos şəhərində keçirilmiş Avropa çempionatında qalib olması münasibətilə təbrik edib. Birinci vitse-prezidentin “İnstagram” hesabındakı paylaşımda deyilir:
“Əziz Ülviyyə! Parlaq qələbə münasibətilə səni ürəkdən təbrik edirəm! Əməyinə və iradənə görə çox sağ ol! Səninlə fəxr edirəm! Azərbaycana Qələbələr yaraşır!”
Xatırladaq ki, Ülviyyə Fətəliyeva Avropa çempionu titulunu qazanan Azərbaycanın ilk qadın şahmatçısı kimi tarixə düşüb.
