Bir sıra MDB ölkələrinin nümayəndələri Gəncəyə səfər ediblər. Bu haqda 6 iyun tarixində Report-a istinadən məlumat veririk.
Şəhərimizdə MDB-nin üzvü olan dövlətlərin Gömrük Xidmətləri Rəhbərləri Şurasının 76-cı iclası keçiriləcək. Şura üzvləri əvvəlcə Heydər Əliyevin abidəsini ziyarət edib, önünə gül dəstələri qoyublar.
Daha sonra onlar Vətən müharibəsi zamanı Ermənistan Silahlı Qüvvələri tərəfindən raket hücumuna məruz qalmış əraziyə baş çəkiblər. Burada həlak olanların ruhuna hörmət əlaməti olaraq güllər düzüblər.
Bildirilir ki, daha sonra Heydər Əliyev Mərkəzində toplantı keçiriləcək.
