Gəncədə asfaltlama işləri aparılır.
Gencexeber.az məlumat verir ki, sözügedən işlər hazırda Mahrasa bağı, bina 10-nun arxasında icra edilir. Aidiyyəti qurumun canlı qüvvəsi və texnikası əraziyə cəlb olunub.
Ərazidə köhnə örtük tamamilə sökülüb. Daha sonra yol səthinin üzərində asfaltın salınması üçün zəruri tədbirlər görülüb, kənarına isə səki daşları düzülüb.
Hazırda yeni asfalt döşəməsi salınır.
Sakinlərinin sözlərinə görə, burada asfaltlama işləri sonuncu dəfə 2000-ci illərin ortalarında icra edilib.
