Aprelin 29-a olan faktiki hava açıqlanıb.
Gencexeber.az-a Milli Hidrometeorologiya Xidmətindən verilən xəbərə görə, ölkə ərazisində qeyri-sabit hava şəraiti davam edib. Arabir şimşək çaxıb, yağış yağıb, bəzi yerlərdə isə leysan xarakterli intensiv olub.
Düşən yağıntının miqdarı Gəncədə 8, Mingəçevirdə 5, Gədəbəy, Daşkəsən, Tovuz, Göygöldə 3 mm-dək təşkil edib.
Bəzi ərazilərdə qərb küləyi əsir, küləyin maksimal sürəti Goranboyda 27 m/s, Gəncədə 18 m/s-dək güclənib.
Havanın minimal temperaturu Aran rayonlarında 9, dağlıq rayonlarda 3 dərəcəyədək isti, yüksək dağlıq ərazilərdə isə 5 dərəcəyədək şaxta qeydə alınıb.
