Gəncədə qanunsuz olaraq odlu silah saxlayan şəxs saxlanılıb. Bu haqda 4 avqust tarixində Daxili İşlər Nazirliyinə istinadən xəbər veririk.
Baş Polis İdarəsinin əməkdaşları əməliyyat keçiriblər. Nəticədə Fərahim Verdiyev qanunsuz olaraq odlu silah saxlamaqda və gəzdirməkdə şübhəli bilinərək saxlanılıb. Eyni zamanda onun tanışı, həbsdə olan Zaur Heydərzadənin də odlu silah gizlətməsi məlum olub.
Z.Heydərzadə istintaqa cəlb olunub. O bildirib ki, silahı vəfat etmiş dostundan alıb və şəhər ərazisində gizlədib. Sözügedən əraziyə baxış keçirilən zaman oradan 1 ədəd “Kalaşnikov” markalı avtomat və həmin silaha aid 1 ədəd daraq aşkar edilib.
Faktla bağlı cinayət işi davam etdirilir.
[modula id="41901"]
