Gəncədə Kəpəz rayonu Kərpic zavodu küçəsində zibillik aşıb-daşır.
Gencexeber.az-a bu barədə küçə sakinləri şikayət ünvanlayıb.
Sakinlər iddia edir ki, Gəncə şəhər Mənzil Kommunal Təsərrüfatı İstehsalat Birliyi (MKTIB) tərəfindən zibil konteynerləri gec-gec təmizlənir:
“Günlərlə konteynerlərdəki zibillər yığılmır. Xeyli əhalinin məskunlaşdığı küçəyə cəmi 4 konteyner qoyublar, həm də əraziyə digər küçə sakinləri tərəfindən də zibil atılır. Nəticədə də küçədə zibil aşıb-daşır. Yığmağa gələndə isə yalnız qutuların içərisi təmizlənir, ətrafa tökülən zibillərə isə əllərini vurmurlar. Beləliklə, ərazini üfunət bürüyür. MKTİB-dən tələb edirik ki, öhdələrinə düşən vəzifəni düzgün icra etsinlər, bu acınacaqlı vəziyyəti aradan qaldırsınlar”.
