Gəncədə xəstəxanalardan birinə yeni cihaz gətirilib. Bu haqda 18 iyul tarixində Birləşmiş Xəstəxanaya istinadən məlumat veririk.
Söhbət Kardioloji Xəstəxanadan gedir. Burada exokardioqrafiya (EXO) istifadəyə verilib.
Bildirilir ki, bu cihazın bir çox üstünlükləri var. Exokardioqrafiya ürək əzələsi və ümumilikdə ürək fəaliyyətini səs dalğaları ilə dəyərləndirən müayinə metodudur. Dalğaların radiasiyalı olmaması, müayinə zamanı heç bir dərmandan istifadə edilməməsi hamilələrə, yeni doğulmuş uşaqlar daxil hər kəsə asanlıqla tətbiq oluna bilər. Ürək böyüməsi, ürək əzələsinin xəstəlikləri, qapaq xəstəlikləri, ürək çatışmazlığı, ürəkdaxili kütlələr, tromblar, ürək şişləri, anadangəlmə ürək qüsurları, hətta orqanizmin ən böyük damarının-aortanın xəstəliklərinin təyin edilməsi üçün vacib olan mühüm müayinə üsuludur.
Qeyd olunub ki, tibbi xidmətin keyfiyyətinin yüksəldilməsi məqsədilə tibb müəssisələrində yararsız olan avadanlıqların yeniləri ilə əvəz olunması, müasir standartlara uyğun tibbi cihazların quraşdırılması istiqamətində işlər davam etdirilir.
