Gəncəni Premyer Liqada təmsil edən "Kəpəz" futbol klubunun baş məşqçisi Azər Bağırov qış toplanışı zamanı komandasının ilk məşqində iştirak edə bilməyəcək.
Bu barədə report.аz-a 40 yaşlı mütəxəssis özü məlumat verib.
O, bel nahiyəsindən kiçik əməliyyat keçirdiyi üçün hazırlığın ilk gününü buraxmalı olacaq.
Qeyd edək ki, "Kəpəz" qış təlim-məşq toplanışına bu gün start verəcək. Komanda yanvarın 9-da "Qarabağ"la yoxlama görüşündə qüvvəsini sınayacaq.
