“Kəpəz” məşqlərə davam edir. Bu haqda 14 iyul tarixində Kəpəz televiziyasına istinadən məlumat veririk.
Bildirilib ki, komanda məşqlərin böyük qismini Bakıda keçəcək. Məşqçilər korpusu yaxşı hazırlıq dövrü keçərək çempionata uğurlu start vermək niyyətindədir. Baş məşqçi Azər Məmmədovun sözlərinə görə, heyətlə bağlı planlarının böyük hissəsini yerinə yetiriblər.
“Sarı-göylər” yay dövründə heyətinə 5 yeni oyunçu cəlb edib. Komandanın düşərgəsinə yenicə qoşulan Elmir Tağıyev və Ehtiram Şahverdiyev qarşıdakı mövsümdə “Kəpəz”in uğur qazanması üçün maksimum çalışacaqlarını deyiblər.
“Kəpəz” hazırlığın ikinci mərhələsi çərçivəsində Bakıda “Zirə” ilə yoxlama oyununda qüvvəsini sınayacaq. Matçdan sonra isə komanda iyulun 28-dək paytaxtda toplanış keçəcək.
