“Kəpəz”in futbolçusu layihədə qalib olub. Bu haqda 15 aprel tarixində futbol klubuna istinadən məlumat veririk.
Söhbət Gəncə təmsilçisinin üzvü Junior Martinsdən gedir. Onun vurduğu qol Misli Premyer Liqasında mart ayının ən yaxşı qolu seçilib. O, çempionatın 26-cı turu çərçivəsində "Neftçi" ilə oyunda fərqlənib.
Peşəkar Futbol Liqasının “Facebook” səhifəsində müsabiqə keçirilib. Burada azarkeşlər ən çox səsi Martinsə veriblər.
“Səbail” ilə oyundan öncə PFL və "Misli" tərəfindən futbolçuya mükafat verilib.
Qeyd edək ki, braziliyalı yarımmüdafiəçi 2-ci dəfədir ki, anoloji müsabiqədə qalib seçilir. O, bundan öncə "Turan Tovuz"a qarşı oyunda yanvar ayının ən yaxşı qolunu vurmuşdu.
