Gəncədə tibbi konfrans keçiriləcək. Bu haqda 5 oktyabr tarixində Birləşmiş Xəstəxanaya istinadən məlumat veririk.
“II Beynəlxalq Qastroenteroloji və Cərrahiyyə Günləri” adlı konfrans Tibbi Ərazi Bölmələrini İdarəetmə Birliyinin (TƏBİB) dəstəyi ilə baş tutacaq. Tədbir 28-29 oktyabr tarixlərində Gəncə Dövlət Filarmoniyasında təşkil olunacaq.
Burada Türkiyədən dəvət olunan professor heyəti, Bakıdan və Gəncədən olan mütəxəssislər aktual mövzularla çıxış edəcəklər. Konfransda mədə-bağırsaq xəstəliklərinin müayinə və müalicəsində tətbiq olunan yeniliklər, son tədqiqatlar barədə təqdimatlar yer alacaq.
Tədbirdə TƏBİB-nin tabeliyindəki tibb müəssisələrində fəaliyyət göstərən cərrahlar, onkoloqlar, qastroenteroloqlar, terapevtlər iştirak edə bilərlər. Bunun üçün qeydiyyatdan keçmək lazımdır.
Qeydiyyat linki: https://forms.gle/sQUcFMCrNNe5XaLK8
Konfrans Səhiyyə Nazirliyi tərəfindən akkreditasiya olunub və iştirak edən həkimlərə 13 kredit balının verilməsi nəzərdə tutulub.
Ətraflı məlumat üçün (077) 272 03 01 nömrəsi ilə əlaqə saxlamaq olar.
