Gəncədə şəhidlərin xatirəsinə həsr olunan uşaqlar arasında futbol turniri start götürüb. Bu haqda Bizim.Media-ya istinadən iyunun 3-ü məlumat veririk.
Yarışda Gəncə, Tovuz və Mingəçevirdən 4 komanda iştirak edir. Gəncəni Kəpəz və Lokomotiv komandaları təmsil edir. Turnir Konstantin Abramenko adına Lokomotiv stadionunda təşkil olunub. Açılış mərasimində iş adamı Çapay Məmmədovun və AFFA-nın hazırladıqları xüsusi xatirə hədiyyələri şəhid övladlarına təqdim olunub.
İki gün davam edəcək xatirə turnirində qaliblər diplom və hədiyyələrlə təltif olunacaqlar.
