Bu gün şəhid Altun Məmmədovun doğum günüdür.
Altun Nüsrət oğlu Məmmədov 21 avqust 1999-cu ildə Gəncədə anadan olub. 11 nömrəli tam orta məktəbi bitirib. O, Ağdam Dövlət Sosial-İqtisad Kollecinin məzunu olub. 9 iyul 2019-cu ildə həqiqi hərbi xidmətə çağırılıb.
Məmmədov Vətən müharibəsində iştirak edib. Füzuli rayonunun işğaldan azad edilməsi uğrunda gedən döyüşlərdə vuruşub.
Altun Nüsrət oğlu Məmmədov 2 oktyabr 2020-ci il tarixində Füzulinin Qaraxanbəyli kəndi uğrunda gedən döyüşlərdə şəhidlik zirvəsinə ucalıb.
Şəhidimiz 2 gün sonra Gəncə şəhərinin Şəhidlər xiyabanında dəfn olunub.
O, Prezident tərəfindən “Vətən uğrunda” və “Füzulinin azad olunmasına görə” medalları ilə təltif edilib.
