Gəncədə şəhidin xatirəsi yad olunub. Bu haqda Gencexeber.az-a 24 avqust tarixində məlumat daxil olub.
Söhbət Vətən müharibəsində şəhid olmuş qəhrəmanlarımızdan birindən - Muxtar Qasımlıdan gedir. Şəhərimizin Yeni Gəncə qəsəbəsi, 28 May küçəsində onun şəkilləri olan lövhə quraşdırılıb. Həmçinin şəhidimizin əziz xatirəsinə ehsan süfrəsi təşkil olunaraq hörmətlə yad edilib. Burada Vətən uğrunda döyüşən digər şəhidlərimizin anaları da iştirak ediblər.
Bu təşəbbüs Gəncə sakini tərəfindən həyata keçirilib.
Qeyd edək ki, Muxtar Qasımlı Qarabağ müharibəsi zamanı Füzuli uğrunda gedən döyüşlərdə vuruşub. O, Prezident tərəfindən ölümündən sonra "Vətən uğrunda" və "Füzulinin azad olunmasına görə" medalları ilə təltif edilib.
[modula id="43252"]
