Gəncə sakini fəallığına görə təltif olunub. Bu haqda Gencexeber.az-a 11 iyul tarixində məlumat daxil olub.
Onlayn İctimai Nəzarət Platformasının (ENEZARET) 2 illik fəaliyyətinin yekunlarına dair tədbir keçirilib. Platforma tərəfindən “Fəal vətəndaş - 6” adlı müsabiqə təşkil olunub. Burada Nizami yurdundan Kamil Qasımov birinci yerə layiq görülüb. Ona diplom və hədiyyələr təqdim edilib.
Qeyd edək ki, ENEZARET Platforması ABŞ-nin Beynəlxalq İnkişaf Agentliyi (USAID/Azerbaijan) tərəfindən maliyyələşdirilən Şəffaflıq Naminə Vətəndaş Cəmiyyəti (ECSOFT) layihəsi çərçivəsində MG Consulting MMC tərəfindən həyata keçirilən layihədir. Platforma vətəndaşlardan onları narahat edən infrastruktur və abadlıqla əlaqədar müxtəlif problemlərlə bağlı müraciətləri qəbul edir və aidiyyəti dövlət qurumlarına yönəldərək onların həllinə nail olur.
