Göygöl rayonunda iş axtaran şəxslər üçün əmək yarmarkası təşkil olunacaq.
Gencexeber.az bildirir ki, Dövlət Məşğulluq Agentliyinin təşkilatçılığı ilə keçiriləcək tədbir aprelin 7-də baş tutacaq. Yarmarka saat 11:00-dan 13:00-dək A.Kazımov küçəsi 3 ünvanında yerləşən Gəncə-Daşkəsən Regional Məşğulluq Filialının Göygöl rayon xidmət şöbəsində keçiriləcək.
Tədbirdə müxtəlif sahələri əhatə edən 50-dən çox vakansiyanın təqdim ediləcəyi bildirilir. İş axtaran vətəndaşlar yarmarkada iştirak etməklə işəgötürənlərlə birbaşa əlaqə saxlaya, mövcud vakansiyalar barədə məlumat ala və müraciət edə biləcəklər.
Yarmarkaya gələn namizədlərin şəxsiyyət vəsiqələrini təqdim etmələri mütləqdir. Namizədlərin CV nümunəsi ilə birlikdə gəlmələri arzuolunandır.
