Xəbər verdiyimiz kimi, Göygöldə 4 nəfərin ölüm faktı qeydə alınıb.
Gencexeber.az-ın məlumatına əsasən, vəfat edənlərdən 3-ü Kəlbəcər rayon Qılınclı kənd sakini, 1-i isə Laçınlı kənd sakini olub.
Ölüm səbəbi dəm qazı kimi göstərilsə də, evin kombi ilə isidilməsi halı bu ehtimalı azaldır.
Ölən şəxslər hadisə baş verdiyi gün gündüz saatlarında iaşə obyektlərindən birindən kətə alıb yedikdən sonra evə gəliblər.
Buna görə də digər səbəb kimi zəhərlənmə ehtimalı da irəli sürülür.
Meyitlər Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Göygöl rayon şöbəsinə aparılıb.
