Əziz gəncəlilər, eləcə də Göygöl, Samux, Goranboy, Daşkəsən, Şəmkir, Gədəbəy, Qazax, Tovuz, Ağstafa, Mingəçevir, Yevlax və bütün Gəncəbasarın digər şəhər, qəsəbə və kəndlərinin sakinləri!
Təəssüf ki, dünən səhər regionumuzun ən populyar xəbər "Instagram" səhifəsi, eyni zamanda ölkənin ən populyar xəbər səhifələrindən biri olan səhifəmizin sosial şəbəkənin özü tərəfindən bloklandığını aşkar etdik. Səhifə müəyyən qüvvə və şəxslərin şikayətləri əsasında bloklanıb. Görünür, həmin qüvvə və şəxslər Gencexeber.az saytının regionumuzun problemlərini işıqlandırmasını, onların həllini tələb etməsini, qürur duyduğumuz insanları və bölgəmizin müxtəlif sahələrdə əldə etdiyi nailiyyətləri tanıtmasını, ümumilikdə isə hər gün operativ şəkildə region sakinlərinə ən son xəbərləri çatdırmasını istəmirlər.
Bəli, hazırda biz 140 minə yaxın izləyicisi olan və aylıq baxış sayı on milyonlarla ölçülən səhifəmizi bərpa etmək üçün əlimizdən gələni edirik. Lakin obyektiv olaraq anlayırıq ki, bu döyüşü uduza da bilərik. Döyüşü, amma müharibəni yox. Buna görə də biz operativ şəkildə yeni səhifə açmışıq -
https://www.instagram.com/gencexeberaz
Hər birinizdən xahiş edirik ki, bu səhifəyə abunə olasınız, həmçinin qohumlarınıza, dostlarınıza, yaxınlarınıza – bir sözlə, mümkün olan hər kəsə bu səhifəyə abunə olmağı tövsiyə edəsiniz. İstəyirik ki, bu xəbəri paylaşasınız və bu gün bütün Gəncəbasar bizim ətrafımızda birləşərək yeni səhifəmizin ən qısa zamanda ən azı əvvəlki səhifəmiz qədər izləyici toplamasına kömək etsin.
Əgər əvvəlki "Instagram" səhifəmizi də bərpa etməyə nail olsaq, gələcəkdə, təbii ki, hər iki səhifəmiz fəaliyyət göstərəcək.
Biz istəyirik ki, siz biləsiniz və unutmayasınız: biz sizin üçün və sizə görə çalışırıq!
Azərbaycan Respublikasının Prezidenti İlham Əliyev dəfələrlə Azərbaycan mediasını ölkə daxilində baş verən hadisələri fəal şəkildə işıqlandırmağa, daxili gündəmi formalaşdırmağa, cəmiyyətin və ölkənin milli maraqları naminə fəaliyyət göstərməyə çağırıb. Gencexeber.az hər zaman məhz bu prinsipləri rəhbər tutub, bu gün də həmin prinsiplərlə fəaliyyət göstərir və bundan sonra da onları rəhbər tutacaq. Əgər kimsə belə üsullarla bizi zəiflədəcəyini və ya ölkəmizin Ali Baş Komandanının çağırışlarına qarşı çıxmağa məcbur edəcəyini düşünürsə, o, ciddi şəkildə yanılır!
Bir daha bütün oxucularımızdan və Gəncəbasar sakinlərindən xahiş edirik ki, aşağıdakı linkə keçid edərək səhifəmizə abunə olun:
https://www.instagram.com/gencexeberaz
