Bu gün Azərbaycanın tanınmış sərbəst güləş məşqçilərindən biri, Gəncə şəhərində bu idman növünün inkişafında mühüm rol oynamış Elçin Zeynalovun doğum günüdür.
Gencexeber.az xəbər verir ki, Əməkdar bədən tərbiyəsi və idman xadimi, Əməkdar məşqçi və Əməkdar idman ustası Elçin Hidayət oğlu Zeynalov 1 aprel 1948-ci ildə Gəncə şəhərində anadan olub.
O, uzun illər ərzində Azərbaycan güləş məktəbinin formalaşması və inkişafı istiqamətində böyük əmək sərf edib. SSRİ əməkdar məşqçisi olan Elçin Zeynalov, eyni zamanda olimpiya çempionu Toğrul Əsgərovun şəxsi məşqçisi kimi də tanınır.
Mükafatları:
– Azərbaycan Respublikası Prezidentinin 25 dekabr 2008-ci il Sərəncamı ilə "Əməkdar bədən tərbiyəsi və idman xadimi" fəxri adı;
– 31 avqust 2012-ci il tarixli Sərəncamı ilə "Şöhrət" ordeni;
– 29 iyun 2015-ci il tarixli Sərəncamı ilə "Azərbaycan Respublikası Prezidentinin fəxri diplomu";
– 1 sentyabr 2016-cı il tarixli Sərəncamı ilə "Tərəqqi" medalı ilə təltif olunub.
