Bölgələrdə sahibsiz heyvanların peyvəndlənməsi və onlar üçün sığınacaqların tikilməsi təklif olunur.
Gencexeber.az xəbər verir ki, bu təkliflə Milli Məclisin Gəncədən olan deputatı deputatı Naqif Həmzəyev parlamentin Təbii ehtiyatlar, energetika və ekologiya, Əmək və sosial siyasət, Səhiyyə, Beynəlxalq münasibətlər və parlamentlərarası əlaqələr komitələrinin 2026-cı il dövlət büdcəsinin layihəsinin müzakirəsinə həsr edilmiş birgə iclasında deyib.
Onun sözlərinə görə, Bakıda bununla bağlı problem öz həllini tapıb:
"Ancaq bölgələrdə problem hələ də qalmaqdadır. Bu baxımdan hesab edirəm ki, bölgələrdə sahibsiz heyvanlar üçün sığınacaqların tikilməsi və onların peyvəndlənməsinin dövlət hesabına həyata keçirilməsi yaxşı olar. Ona görə də büdcədən vəsait ayrılmasını təklif edirəm. Çünki Bakı Şəhər İcra Hakimiyyətinə pul ayrılıb, digərlərinə yox".
