Gəncə Beynəlxalq Avtovağzalından paytaxt istiqamətində hərəkət edən avtobusların sayı artırılıb.
Gencexeber.az-a Gəncə Beynəlxalq Avtovağzalının müdir müavini Sadiq Musayev tərəfindən verilən məlumata görə, Gəncədən Bakı şəhərinə hər yarım saatdan bir avtobuslar yola düşür.
Onun sözlərinə görə, gündəlik qrafikdə fəaliyyət göstərən 26 avtobus mövcud tələbatı tam ödəmədiyindən, Gəncə–Bakı istiqamətində müntəzəm reyslərə əlavə olaraq daha 7 nəqliyyat vasitəsi cəlb olunub.
Hazırda Gəncə Beynəlxalq Avtovağzalında sərnişinlərin tələbatını təmin etmək məqsədilə işlər gücləndirilmiş rejimdə davam etdirilir.
