Gəncədə kətənin içindən ilbiz çıxdığı iddia olunur.
Gencexeber.az-a müraciət edən vətəndaş "Tamstore" supermarketlər şəbəkəsindən aldığı kətənin içindən ilbiz çıxdığını bildirib. Onun sözlərinə görə, hadisə şəbəkənin Gəncə şəhəri, Nizami Gəncəvi prospekti, 50 ünvanında, Mərkəzi Univermaq Ticarət Mərkəzinin binasında yerləşən filialında qeydə alınıb.
Vətəndaş bildirib ki, məsələ ilə bağlı Azərbaycan Qida Təhlükəsizliyi Agentliyinin qaynar xəttinə də müraciət edib. Şikayətçinin iddiasına görə, mağaza əməkdaşları hadisədən sonra kətənin pulunu geri qaytarmaq istəyiblər:
"Dedilər ki, ilbizdir, göyə yapışıb. Hətta kətənin pulunu geri verməyə çalışdılar. Mən isə qəbul etmədim".
Məsələ ilə bağlı adıçəkilən müəssisəyə redaksiyamız tərəfindən sorğu ünvanlanıb.
