Bir neçə gün öncə Gəncə şəhəri Əli Nəzmi və Bəxtiyar Əliyev küçələrinin kəsişməsində, Gəncə şəhər Psixiatriya Xəstəxanasının yaxınlığında yerləşən yaşayış massivinin zibilliyə çevrilməsi ilə bağlı şikayət işıqlandırmışdıq.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyinindən (MKTİB) verilən məlumata əsasən, adıçəkilən ünvanda dəfələrlə yaranan antisanitar vəziyyət aradan qaldırılıb və sakinlərə xəbərdarlıq edilib. Lakin ərazidə zibil konteynerləri olmasına baxmayaraq məsuliyyətsiz vətəndaşlar hələdə məişət tullantılarını hara gəldi atırlar.
Ərazidə MKTİB tərəfindən təmizlik işləri aparılıb, zibil konteynerlərinin ətrafındakı zibillər yığılaraq daşınması təmin edilib. Həmçinin qurumun əməkdaşları tərəfindən eyni xoşagəlməz halın yaşanmaması üçün ərazi sakinləri ilə profilaktik söhbətlər aparılıb.
Gəncə şəhər MKTİB bir daha əhali və ya qeyri əhali qurupuna xəbərdarlıq edərək bildirib ki, zibillər konteynerlərə atılsın.
