Gəncədə "Azerbazalt" zavodunun qarşısından Dəmiryol vağzalına gedən yolun bir hissəsi asfaltlanmayıb.
Gencexeber.az məlumat verir ki, sözügedən yol bir müddət öncə asfaltlansa da, təxminən 20 metrədək məsafədə asfalt örtüyü salınmayıb. Həmin hissədən sonra isə yol yenidən normal asfalt örtüyü ilə davam edir.
Sakinlərin sözlərinə görə, yolun bu formada yarımçıq qalması sürücülər üçün narahatlıq yaradır. Onlar bildirirlər ki, asfalt örtüyü olmayan hissədə hərəkət çətinləşir, xüsusilə yağışlı havalarda ərazidə palçıq və çala-çuxur problemi yaranır.
Vətəndaşlar aidiyyəti qurumlardan yolun yarımçıq qalan hissəsinin də asfaltlanmasını xahiş edirlər.
