Gəncə şəhəri 2 nömrəli uşaq xəstəxanasının sanitar qovşağının (tualet və gigiyenik otaqlar) bərbad vəziyyətdə olması valideynlərin və xəstə yaxınlarının narahatlığına səbəb olub.
Gencexeber.az-a məsələ ilə bağlı şikayət edən valideynlər bildirirlər ki, sanitar qovşaqlarda texniki vəziyyət ürəkaçan deyil.
“Əl qurudan və sabun dispenserlərinin işləməməsi, kiflənmiş divarlar və pis qoxu xüsusilə azyaşlı uşaqlar üçün təhlükə yaradır. Tibb müəssisəsində bu cür hal qəbuledilməzdir. Xəstəxana rəhbərliyinin sözügedən problemləri aradan qaldırmağını gözləyirik", - şikayətçilər deyiblər.
