Xəbər verdiyimiz kimi, Gəncədə tanınmış qarmon ifaçısı Mayıl Quliyev dünyasını dəyişib.
Gencexeber.az-ın məlumatına görə, mərhumla vida mərasimi keçirilib. "Segah Mayıl" kimi tanınan sənətkar "İmamzadə" Dini Kompleksinin ətrafında yerləşən qəbiristanlıqda torpağa tapşırılıb. Onu son mənzilə yola salmağa yaxınları ilə yanaşı çoxsaylı sənət dostları və pərəstişkarları qatılıblar.
Vida mərasimində mərhumun sənət yolundan bəhs olunub, xatirəsi anılıb.
Qeyd edək ki, bir müddət əvvəl səhhətində problemlər yaranan 62 yaşlı musiqiçi əməliyyat olunmuşdu. Gecə saatlarında vəziyyəti qəfil ağırlaşan ifaçı həyatını itirib. Mayıl Quliyev uzun illər el şənliklərində iştirak edib, bir çox tanınmış sənət adamları ilə səhnəni bölüşüb.
